Sakshi education logo

6500 పోలీస్‌ ఉద్యోగాలకు డిసెంబర్‌లో నోటిఫికేషన్‌ : సీఎం జగన్‌

Join our Community

facebook Twitter Youtube
సాక్షి, అమరావతి: పోలీస్ అమరవీరుల సంస్మరణ దినోత్సవం సంద‌ర్భంగా అక్టోబ‌ర్ 21వ తేదీన‌ ఇందిరాగాంధీ స్టేడియంలో ఆంధ్రప్రదేశ్ ముఖ్యమంత్రి వైఎస్‌ జగన్‌మోహన్‌రెడ్డి పాల్గొని ప్రసంగించారు.
Edu news

ఈ సంద‌ర్భంగా ఆయ‌న‌ మాట్లాడుతూ.. "దేశమంతా పోలీస్ అమరవీరులను స్మరించుకునే రోజు. కోవిడ్ సమయంలో పోలీసులు అమూల్యమైన సేవలు అందించారు. రాష్ట్ర హోంమంత్రిగా మహిళను నియమించాం. రాష్ట్ర వ్యాప్తంగా 18 దిశా పోలీస్‌స్టేషన్లను తీసుకొచ్చాం. దిశా బిల్లును కేంద్రాని కూడా పంపించాం. మహిళలకు అత్యధిక ప్రాధాన్యత ఇస్తున్న రాష్ట్రం ఆంధ్రప్రదేశ్‌. పోలీసు ఉద్యోగాల భర్తీకి డిసెంబర్‌లో నోటిఫికేషన్ విడుదల చేసి, జనవరిలో పోస్టుల భర్తీకి షెడ్యూల్‌ జారీ చేస్తాం. నాలుగు దశల్లో 6500 పోస్టుల భర్తీ చేస్తాం. పోలీస్ శాఖకు చెల్లించాల్సిన బకాయిలను వెంటనే చెల్లిస్తాం" అని సీఎం జగన్‌ పేర్కొన్నారు.

ఏపీ ఎస్ఐ/కానిస్టేబుల్ స్టడీమెటీరియ‌ల్‌, సిల‌బ‌స్‌, బిట్‌బ్యాంక్‌, రీజ‌నింగ్‌, అర్థమెటిక్, జీకే, ప్రీవియ‌స్ పేప‌ర్స్‌, మోడ‌ల్‌పేప‌ర్స్‌, క‌రెంట్ అఫైర్స్‌ గైడెన్స్ మొద‌లైన వాటి కోసం క్లిక్ చేయండి

డీజీపీ గౌతమ్‌ సవాంగ్‌ మాట్లాడుతూ...
అంతకుముందు రాష్ట్ర డీజీపీ గౌతమ్‌ సవాంగ్‌ మాట్లాడుతూ...అనేక మంది పోలీసులు వీరమరణం పొందారు. పోలీసులందరికీ వారు ఆదర్శంగా నిలిచారు. కరోనా సమయంలో కుటుంబాలకు దూరంగా ఉండి పోలీసులు విధులు నిర్వహించారు. కరోనాతో మృతిచెందిన పోలీసులకు సీఎం రూ.50లక్షలు ప్రకటించారు. పోలీసులకు వీక్లీ ఆఫ్‌, హోంగార్డుల జీతాల పెంపులాంటి అనేక కీలక నిర్ణయాలు తీసుకున్నాం. దిశా లాంటి చట్టాలు తెచ్చి అందరికీ ఆదర్శంగా నిలిచాం. టెక్నాలజీ ఉపయోగించడంలో ఏపీకి 27 జాతీయ స్థాయి అవార్డులు వచ్చాయి. సవాళ్లు ఎదుర్కోవడానికి పోలీసులు ఎప్పుడూ సిద్ధంగా ఉంటారు అని డీజీపీ అన్నారు.

వీక్లీ ఆఫ్‌ ప్రకటించిన ఏకైక రాష్ట్రం....
పోలీసులకు వీక్లీ ఆఫ్‌ ప్రకటించిన ఏకైక రాష్ట్రం ఆంధ్రప్రదేశ్‌ మాత్రమేనని హోంమంత్రి మేకతోటి సుచరిత చెప్పారు. మహిళా సిబ్బందిని ప్రోత్సహించి మహిళా సాధికారతకు ప్రాధాన్యత ఇచ్చామని ఆమె గుర్తు చేశారు. సైబర్ నేరగాళ్ల నుంచి తప్పించుకోవడానికి బాలికలకు అవగాహన కల్పించామని తెలిపారు. పోలీస్ సేవా యాప్‌ కూడా తీసుకొచ్చామని హోంమంత్రి పేర్కొన్నారు.

Published on 10/21/2020 4:59:00 PM

సంబంధిత అంశాలు